Кăрлачăн 21-мĕшĕнче Шупашкарти Чăваш наци вулавăшĕнче «Чăваш Республикинчи Писательсен Союзĕ» творчествăлла общество организацийĕн VI сьезчĕ пулса иртнĕ. Асăннă пĕрлĕх юлашки 5 çул хушшинче туса ирттернĕ ĕçсем пирки унăн ертӳçи — Чăваш халăх писателĕ Юхма Мишши каласа кăтартнă. Çавăн пекех ревизи комиссийĕн отчетне итленĕ. Съездра писательсен пĕрлĕхĕн ĕçĕсене хастар хутшăннă çыравçăсен пысăк ушкăнне тĕрлĕ шайри хисеп хучĕсемпе чысланă. Çав шутра ку чыса Красноармейски районĕнчи Ордем Галипе Н. Ершов тивĕçнĕ. Вĕсене союз правленийĕн çĕнĕ йышне кĕртнĕ. Съезд чăваш писателĕсен иртнĕ тапхăрти ĕçне лайăх тесе хакланă. Правлени председателĕ пулма Юхма Мишшинех шаннă.
Хыпар çăлкуçĕ: http://nesterjankas.ucoz.ru/news/chavash_respublikinchi_pisatelsen_sojuze_tvorchestvalla_obshhestvo_organizacijen_vi_sezche_pulsa_irtne/2012-01-30-311
